Psa 69 | ZomZIV | STEP | Tumtheih makaipa ading. Unokte’ aw a sak. David phuah Pasian aw, tuite in ka ngawng ciang tuum ahi manin kei hong honkhia in.

Psalms 69

Tumtheih makaipa ading. Unokte’ aw a sak. David phuah

1 Pasian aw, tuite in ka ngawng ciang tuum ahi manin ^a
kei hong honkhia in.
2 Siksan ding omlohna,
buannawng thukpi ah ka tum hi;
tui thukpite sung ka tunga;
a tuikhang in hong valhtum ta hi.
3 Huh ding ka ngetngetna-in ka tawlgawp a, ^b
ka gawl a keu hi.
Ka Pasian ka zonzonna-in
ka mit a maang hi. ^c
4 A thu om lo a kei hong mudah mi, ^d
ka lu-a ka samzangte sangin tamzaw a;
a thu om lopi-a kei siatsak hong sawm ^e
ka galte a tam hi. ^f
Ka guk lohpi a dinkik dingin
hong kisawl tentan hi.
5 Pasian aw, ka hai lam na thei hi;
ka khialhnate nang panin kisel lo hi. ^g
6 Topa, Thahatpen TOPA aw,
nang hong lamente
kei hangin maimawl kei uh hen;
Israel’ Pasian aw,
nang hong zongte
kei hangin maizum kei uh hen.
7 Ahang in nangma hangin simmawhna ka thuak a, ^h
maizumna in ka mai tuam hi.
8 Ka sanggampa adingin mikhual ka suak a,
keima’ nu’ tapate adingin pemta ka suak hi; ⁱ
9 na inn ading ka aamna in kei hong netum a, ^j
nang hong engkote’ engkona kei tung hong tu hi. ^k
10 Kap a an ka tan ciangin ^l
zahkona ka thuak ding mah hi-a,
11 puanhampi ka silh ciangin
mite khel gentehna ka suak hi.
12 Kongpi-a tute in hong zahko uh a, ^m
zukhamte’ la ka suak hi. ⁿ
13 Ahi hangin TOPA aw,
na angvan hunin thu kong ngen hi;
Pasian aw, nangma itna lianpi tawh,
na hotkhiatna takpi-in kei hong dawng in.
14 Buannawi lak panin kei hong hu-inla,
hong tumsak kei in;
hong mudahte pan le tuithukte panin ^o
kei hong hukhia in.
15 Tuikhangte kei hong tuumsak loin ^p
tui thukte kei hong valhsak kei inla, ^q
gum in a kam hong cihkhum kei hen. ^r
16 TOPA aw, na itna a hoihna hangin hong dawng in; ^s
na lainatna lianpi hangin kei lam hong nga in.
17 Na nasempa na mai hong selsan loin ^t
hong dawng meng in ka lungkham ta hi. ^u
18 Hong naih inla kei hong hu in;
ka galte hangin kei hong tankhia in. ^v
19 Kei hong kizahpih a, maimawlin ka maizum zia nong thei hi;
ka galte khempeuh na mai-ah om uh hi. ^w
20 Zahpihna in ka lungtang kitamsaka
huh ding nei loin hong nusia hi.
Hong khasiat ding mi ka zonga khatbeek om lo hi;
hong hehnem ding ka zonga khatbeek ka mu kei hi. ^x
21 Ka an lakah sinkha hel uh a,
ka dangtak a phat nadingin lenggahzu thuk hong pia uh hi. ^y
22 Amaute mai-a kilui sabuai thangzak suak henla,
thukna le ^{▼▼ 22 Ahikeh thang / amaute kithuahna suak hi} pial suak ta hen. ^aa
23 Khua a muh theihloh nadingun a mitte uh mial henla,
a nung uh kul den ta hen. ^ab
24 Amaute tungah na thangpaihna sung inla, ^ac
na hehluatna in amaute phadong hen.
25 Amaute mun kilawi henla;
amau puanbukte ah a teng ding kuamah om kei hen. ^ad
26 Ahang in, amaute in na liamsakte bawlsia uh a,
na natsak mite natna a gengen uh hi. ^ae
27 Amau mawh khukna tungah mawhkhusak beh inla, ^af
na hotkhiatna tangsak kei in. ^ag
28 Nuntakna laibu sung panin amaute kiphiatkhia henla ^ah
a thumaante tawh kiciamteh khawm kei hen. ^ai
29 Na sa-in ka lung dong hi;
Pasian aw, na hotkhiatna in kei hong dal hen. ^aj
30 Pasian’ min la-in ka phat dinga, ^ak
lungdamkohna tawh amah ka minthangsak ding hi. ^al
31 Hih in bawngtal khat sang,
kite le khecinte a nei bawngtal khat sangin TOPA a lungkimsakzaw ding hi. ^am
32 A zawngte in mu ding uh a, kipak ding uh hi - ^an
no Pasian a zongte aw, na lungsimte uh thadim hen! ^ao
33 TOPA in a tasamte aw za a;
ama koltangte a simmawh kei hi. ^ap
34 Leitung le vantung,
tuipite le a sunga gamtang khempeuh in amah phat uh hen; ^aq
35 ahang in, Pasian in Zion honkhia dinga, ^ar
Judah khuapite a lam kik ding hi. ^as
Tua ciangin tua lai-ah mite tengin a nei ding uh hi;
36 a nasemte’ tate in tua mun luah ding uh a, ^at
ama min a itte tua lai ah teng ding uh hi.